.gif)
 (1).png){kind=logo}
.png)
इन्दुको कप्तानीमा नेदरल्याण्ड्स र थाइल्याण्डसँग हुने सिरिजका लागि टोली घोषणा
काठमाडौं । यही माघ १७ गतेदेखि आयोजना हुने त्रिकोणात्मक त्रिकोणात्मक टी–२० शृङ्खलाका लागि नेपाली महिला राष्ट्रिय क्रिकेट टोली घोषणा गरिएको छ । नेपाल क्रिकेट संघ (क्यान) ले आज इन्दू बर्माको कप्तानीमा १५ सदस्यीय टोली घोषणा गरेको हो ।
टोलीमा कप्तान बर्मासहित रुविना क्षेत्री, सीता राना मगर, पूजा महतो, विन्दू रावल, रेवती धामी, कविता कुँवर, सम्झना खड्का, ममता चौधरी, राजमती ऐरी, कविता जोशी, एलिसाकुमारी यादव, रोमा थापा, मनिषा उपाध्याय र इश्वरी विष्ट रहेका छन् । माघ २५ सम्म सञ्चालन हुने खेल कीर्तिपुरस्थित त्रिवि क्रिकेट मैदानमा हुनेछ ।
यस्तो छ खेल तालिका
नेपालले माघ १७ गते नेदरल्याण्ड्ससँग पहिलो खेल खेल्ने छ । माघ १८ गते नेदरल्याण्ड्स र थाइल्याण्ड भिड्ने छन्। यस्तै, नेपालले माघ १९ गते थाइल्याण्डसँग खेल्ने छ भने माघ २० गते नेदरल्यान्ड्स र नेपालबीच प्रतिस्पर्धा हुनेछ ।
माघ २१ मा थाइल्याण्ड र नेदरल्याण्ड्स, माघ २२ मा थाइल्याण्ड र नेपाल, माघ २३ मा नेपाल र नेदरल्याण्ड्सबीच खेल हुनेछ । यस्तै, माघ २४ गते नेदरल्याण्ड्स र थाइल्याण्ड भिड्ने छन् भने माघ २५ गते नेपाल र थाइल्याण्डबीच खेल हुुनेछ ।
