आठ दिनदेखि हराइरहेकी महिलाको शव पोखरीमा भेटियो

---

नयाँ पेज

२०८१ माघ १० बिहीबार ००:०० बजे

सिरहा । सिरहामा आठ दिनदेखि हराइरहेकी एक महिलाको शव पोखरीमा डुबेको अवस्थामा भेटिएको छ । सिरहाको कर्जन्हा नगरपालिका–७ मरेवाकी ६५ वर्षीया देवी यादवको शव आज पोखरीमा फेला परेको हो ।

उनको शव कर्जन्हा नगरपालिका–६ बेतहास्थित खलिल राइनको पोखरीमा बिहीबार पौने ४ बजे फेला परेको सिरहाका प्रहरी प्रवक्ता डीएसपी वीरेन्द्रकुमार पासवानले जानकारी दिए । उनी २ माघको बिहान ६ बजेदेखि हराइरहेकी थिइन् । खोज तलासको क्रममा उनको शव बिहीबार पोखरीमा फेला परेको प्रहरीले जनाएको छ । प्रहरीका अनुसार घटनाबारे थप अनुसन्धान भइरहेको छ ।