मधेस आन्दोलनका शहीद महतोको शालिकमा माल्यार्पण

---

नयाँ पेज

२०८१ माघ ५ शनिबार १४:३७ बजे

सिरहा । मधेस आन्दोलनका प्रथम शहीद रमेश महतोसहितका शहीदहरूको शालिकमा नेताहरूले माल्यार्पण गरेका छन् । लहानस्थित शहीद चोकमा रहेको शालिकमा जनता समाजवादी पार्टी, नेपालका अध्यक्ष उपेन्द्र यादवसहित उपाध्यक्ष राजकिशोर यादव, सचिव सुरेश मण्डल लगायतका नेताहरूले माल्यार्पण गरेका हुन् । 

महतो मधेस आन्दोलनका प्रथम शहीद हुन् । आन्दोलनका क्रममा २०६३ माघ ५ गते प्रहरीको गोली लागेर उनको मृत्यु भएको थियो । उनको मृत्यु भएसँगै आन्दोलन चर्किएको थियो । त्यसयता प्रत्येक वर्ष माघ ५ गतेलाई मधेस केन्द्रित दलहरूले बलिदान दिवसका रूपमा मनाउने गरेका छन् । आजको दिन ती दलहरूले विभिन्न कार्यक्रम पनि आयोजना गरेका छन् ।