.gif)
 (1).png){kind=logo}
.png)
‘मनिङ वाक’ मा निस्केकी महिलामाथि जब्बरजस्ती घटना : तीन युवक पक्राउ
मोरङ । मोरङको कटहरीमा एक २३ वर्षीया महिलालाई जबरजस्ती करणी गरेको घटनामा संलग्न रहेको अभियोगमा तीन जनालाई प्रहरीले पक्राउ गरेको छ । पक्राउ पर्नेमा कटहरी गाउँपालिका २ बस्ने १९ वर्षीय मोहम्मद रमजान, सोही ठाउँ बस्ने १९ वर्षीय सोनुकुमार साह र भारत अररीया कुशाकट्टा बस्ने १९ वर्षीय मोहम्मद गुल्जार रहेका छन् ।
कटहरी गाउँपालिका २ कदमगाछीस्थित बाँसघारीमा ती महिलालाई वेहोस अवस्थामा फेला परेको भन्ने खबर प्राप्त हुनासाथ प्रहरी चौकी कटहरीबाट खटिएको प्रहरीले उनलाई मंगलवार उद्धार गरी तत्काल उपचारका लागि कोशी अस्पताल विराटनगर पठाएको थियो । महिला बाँस घारीमा हात–खुट्टा बाँधिएको अवस्थामा हिजो दिउँसो फेला परेकी थिइन् । उनी मङ्गलवार बिहान मर्निङ वाकमा निस्किएकी थिइन् ।
उनको मुखमा समेत पट्टी बाँधिएको थियो । उनलाई मर्निङ वाकमा हिँडेका बेला बन्धक बनाएर सामूहिक बलात्कार भएको खुलेको मोरङ प्रहरीले जनाएको छ । जिल्ला प्रहरी कार्यालय मोरङबाट खटिएको प्रहरीले थप अनुसन्धान एवम् सोधपुछ गर्दा रमजान, सोनु कुमार र गुल्जारले ती महिलालाई सिटी सफारीमा राखी कटहरी गाउँपालिका २ कदमगाछीस्थित बाँसघारीमा लगेर करणी गरेको खुलेको प्रहरीले जनाएको छ ।
तीन जनामध्ये रमजानले जबरजस्ती करणी गरेको तथा अन्य दुई जनाले पीडितलाई समाउने कार्यमा सघाएको भन्ने खुल्न आएपश्चात तीनै जनालाई मोरङको विभिन्न स्थानबाट प्रहरीले पक्राउ गरेको हो । उनीहरूमाथि अनुसन्धान भइरहेको प्रहरीले जनाएको छ ।
