.gif)
 (1).png){kind=logo}
.png)
दाङमा अटो दुर्घटना हुँदा एकको मृत्यु, दुई जना घाइते
दाङ । दाङमा अटो दुर्घटना हुँदा बुधबार दिउँसो एक जनाको मृत्यु भएको छ । राजपुरबाट कोइलाबासतर्फ जाँदै गरेको रा १ ह ५९०४ नम्बरको अटो रिक्सा गढवा–कोइलाबास सडक खण्डअन्तर्गत गढवा गाउँपालिका–५, कक्रहवामा पल्टिँदा त्यसमा सवार राजपुर गाउँपालिका–३, भैसहवाका ५० वर्षीय तुलाराम बिकको मृत्यु भएको हो ।
दुर्घटनामा घाइते बिकको राप्ती स्वास्थ्य विज्ञान प्रतिष्ठान घोराहीमा उपचारका क्रममा मृत्यु भएको जिल्ला प्रहरी प्रवक्ता डीएसपी ईश्वर थापाले बताए । घुम्तीमा मोड्ने क्रममा अनियन्त्रित भई अटो पल्टिएको उनले जानकारी दिए ।
दुर्घटनामा भैसहवाकै ४० वर्षीया बसन्ती बिक र ३६ वर्षीय प्रेमचन्द्र यादव घाइते भएका छन् । बिकको लमही अस्पताल र यादवको राप्ती स्वास्थ्य विज्ञान प्रतिष्ठान घोराहीमा उपचार भइरहेको छ । अटो चालक भैसहवाका ४० वर्षीय मदन बिकलाई नियन्त्रणमा लिएर दुर्घटनाबारे थप अनुसन्धान गरिरहेको डीएसपी थापाले बताए ।
