.gif)
 (1).png){kind=logo}
.png)
काठमाडौंबाट सिन्धुली जाँदै गरेको बस दुर्घटना : एक दर्जन घाइते, दुईको अवस्था गम्भिर
काठमाडौं । काठमाडौंबाट सिन्धुली जाँदै गरेको बस रामेछापको भिरपानीमा दुर्घटना भएको छ । आज (मंगलबार) दिउँसो रामेछापबाट सिन्धुलीको अमारे जाँदै गरेको बस भिरपानीमा दुर्घटना भएको जिल्ला प्रहरी कार्यालय रामेछापले जानकारी दिएको छ ।
बसमा सवार कम्तिमा ११÷१२ जना घाइते भएको बताइएको छ । उनीहरुमध्ये दुईको अवस्था गम्भीर रहेको छ । घाइतेलाई उपचारका लागि मुलकोटमा लगिएको छ । बसको ब्रेक फेल भएपछि केही यात्रु आफैं हाम फालेको स्थानीयले जानकारी दिएका छन् । घटनाबारे समपूर्ण विवरण आइसकेको छैन ।
यस्तै आजै बिहान काठमाडौंबाट सिन्धुलीको फिक्कल जाँदै गरेको टाटा सुमो रामेछापमा दुर्घटना भएको थियो । रामेछापको मन्थली–खाँडादेवी–सित्खा सडक खण्डको मन्थली नगरपालिका–७ भटौली पुलमाथि आज बिहान सवा ४ बजेतिर ना १ ज ८७८२ नम्बरको टाटा सुमो दुर्घटना हुँदा चालक घाइते भएका थिए । सुमोमा ११ जना यात्रु थिए ।
