.gif)
.png)
गगनप्रति रविको कटाक्ष : कसैको राजनीति बचाई दिने मैले बली चढीदिनु पर्ने ?
काठमाडौं । राष्ट्रिय स्वतन्त्र पार्टीका रवि लामिछानेले आफू अनुसन्धानमा सघाउन तयार रहेको बताएका छन् । पार्टी केन्द्रीय कार्यालय वनस्थलीबाट नेता कार्यकर्तालाई सम्बोधन गर्दै सभापति लामिछानेले अनुसन्धानका लागि आफू जहाँ जान पनि तयार रहेको बताएका हुन् ।
‘मलाई कसैको अनुकम्पा चाहिँदैन, तर अन्याय गर्न पाइँदैन कसैको राजनीतिक बचाइ दिन मैले प्रतिशोधको सामना गर्नुपर्ने, मैले बली चढिदिनु पर्ने ?’ उनले प्रश्न गरे । उनले आफूले छानबिन समितिमा आफ्नो कुरा राखिसकेको र छानबिन प्रतिवेदनले आफ्नो संलग्नता छैन भनेर स्पष्ट परेको दोहोर्याए । उनले आफूमाथि पक्राउ पुर्जी जारी गरेको छैन भनिए पनि विश्वस्त हुन नसकिएको कार्यकर्तालाई बताए ।
उनले सहकारीपीडित संघर्ष समितिको नेतृत्व गर्न आफू तयार रहेको भन्दै वर्षौंदेखि मलाई घेराबन्दी गर्नुपर्ने कारण के हो ? भन्दै प्रश्न समेत गरेका छन् । प्रहरीले सहकारी ठगी प्रकरणमा संसदीय छानबिन समितिले कारबाही सिफारिस गरेका गोर्खा मिडिया नेटवर्क प्रालिका तत्कालीन सञ्चालक पूर्वडीआइजी छविलाल जोशीलाई पक्राउ गरेर पोखरा पुर्याइसकेको छ ।
