.gif)
.png)
रोनाल्डोको निर्णायक गोलमा पोर्चुगलको जित
००:३९ बजे
काठमाडौं । क्रिस्टियानो रोनाल्डोको निर्णायक गोलमा पोर्चुगलले युइएफए नेसन्स लिगमा स्कटल्याण्डलाई पराजित गरेको छ । गए राति सम्पन्न खेलमा पोर्चुगलले स्कटल्याण्डलाई २–१ गोल अन्तरले पराजित गरेको हो । १–० ले पछि परेको पोर्चुगलले खेलको दोस्रो हाफमा दुवै गोल गरेर जित हासिल गरेको थियो । पोर्चुगलको जितमा ब्रुनो फेर्नानडेज र क्रिस्टियानो रोनाल्डोले एक–एक गोल गरेका थिए ।
फेर्नानडेजले खेलको ५४औँ र रोनाल्डोले खेलको ८८औँ मिनेटमा गोल गरेका थिए । त्यस्तै स्कटल्याण्डका लागि स्कट म्याकटोमिनीले गोल गरेका थिए । यो जितसँगै पोर्चुगलले यूईएफए नेसन्स लिगमा लगातार दोस्रो जित हासिल गरेको छ र समूह ‘ए’ मा ६ अंकसहित शीर्ष स्थानमा रहेको छ । त्यस्तै स्कटल्याण्डले भने लगातार दोस्रो हार व्यहोरेको छ ।
