.gif)
.png)
धनुषामा रेलले चेपिएर एक युवक गम्भीर घाइते
२०८१ श्रावण १२ शनिबार ०८:५१ बजे
जनकपुरधाम । भंगहा–जनकपुर–जयनगर रेल्वेको लिकमा परेर एक युवकको दुवै खुट्टा गुमेको छ । जनकनन्दनी गाउँपालिका– ३ महुवाका मिश्री दासका अन्दाजी ३५ बर्षिय छोरा श्रीराम दासको रेल्वे लिकमा परेर खुट्टा काटिएको हो ।
रेलको लिक छेउको बाटोबाट हिंडिरहेका युवक शनिबार बिहान सवा ११ बजे धनुषाको खजुरीस्थित रेलको लिकमा परेका हुन् । जयनगरबाट फर्किरहेको रेलले हर्न दिएपछि उनी अलमलिएर रेलकै लिकमा परेपछि दुबै खुट्टा गुमेको रेल्वे विभागका प्रहरी नायब उपरीक्षक (डीएसपी) प्रवक्ता दयाराम पौडेलले जानकारी दिए । दासको उपचारको लागि तत्कालै जनकपुर प्रादेशिक अस्पताल जनकपुरमा भर्ना गरिएको छ ।
