.gif)
.png)
अपराधी पत्ता लगाउन रियो, दौडमा टाइगर र बल समात्नेमा रोज पहिलो (तस्वीरहरू)
काठामाडौं । नेपाल प्रहरीको रियो नामक कुकुर यो वर्षकै उत्कृष्ट कुकुर बन्न सफल भएको छ । कुकुर तिहारका दिन आज (आइतबार) प्रहरीले आपराधी पत्ता लगाउने कलामा रियोलाई उत्कृष्ट कुकुर घोषणा गरेको हो । रियोले रौतहटमा भएको हत्याकाण्डमा संलग्नको पत्ता लगाउन सहयोग गरेको थियो ।
गत असार २९ गते राति सुतेकै अवस्थामा रौतहटको देवाही गोनाही नगरपालिका–६ का ३५ वर्षीय जगरनाथ साहको हत्या भएको थियो । घटनापछि वीरगञ्जस्थित केनाइन शाखाबाट अपराध अनुसन्धानमा खटिँदै आएको रियो नामको ‘ट्रयाकर डग’ लाई घटनास्थलमा प्रयोग गरिएको थियो ।
घटनास्थलमा प्राप्त प्रमाण रियोलाई सुँघाएर गरिएको अनुसन्धानमा रियोले हत्याराको पहिचान गर्न सफल भएको थियो । रियोले साहकै श्रीमती चन्दा साहलाई संकेत गरेको थियो । चन्दालाई पक्राउ गरी प्रहरीले अनुसन्धान गर्दै उनैले श्रीमानको हत्या गरेको खुलेको थियो । दौडमा टाइगर पहिलो भयो । बल समात्ने कलामा रोज कुकुर पहिलो भयो ।
