भरतपुर कारागारका एक कैदीको मृत्यु

---

नयाँ पेज

२०८० असोज ८ सोमबार ०१:२१ बजे

चितवन । चितवनको भरतपुर कारागारका एक कैदीको मृत्यु भएको छ । भारतको नरकटियापुरी २ घर भई हाल चितवनको माडी ३ बस्ने ३६ वर्षीय जुगेश्वर महतोको मृत्यु भएको बागमती प्रदेश प्रहरी कार्यालयले जानकारी दिएको छ ।

कर्तव्य ज्यानको कसुरमा कैद भुक्तान गरिरहेका महतोको उपचारका क्रममा भरतपुर क्यान्सर अस्पतालमा मृत्यु भएको हो । भदौ ११ गते उनलाई अस्पताल भर्ना गरिएको थियो । आइतबार साँझ उनको मृत्यु भएको र शव अस्पतालमै रहेको प्रहरीले जनाएको छ ।