जंगली च्याउ खाँदा एक जनाको मृत्यु

---

नयाँ पेज

२०८० श्रावण ६ शनिबार २०:४६ बजे

डडेल्धुरा । डडेल्धुरामा जंगली विषालु च्याउ खाँदा एक जनाको मृत्यु भएको छ । गन्यापधुरा गाउँपालिका–२ स्थित सोही गाउँपालिकाको नयाँ भवन निर्माणमा संलग्न मजदुरको विषालु च्याउ खाँदा शुक्रबार राति मृत्यु भएको प्रहरीले जनाएको छ ।

बर्दिया जिल्लाको बारबर्दिया गाउँपालिका–७ बस्ने वर्ष ५० की राम दुलारी थारुको मृत्यु भएको हो । च्याउ खाएर बिरामी परेकी उनलाई डडेल्धुरा अस्पतालमा भर्ना गरिएको थियो । उनको उपचारको क्रममा मृत्यु भएको प्रहरीले जनाएको छ ।