पाकिस्तानको मस्जिदमा शक्तिशाली बम विष्फोट, कयौं घाइते

---

नयाँ पेज

२०७९ माघ १६ सोमबार १३:०१ बजे

इस्लामावाद । पाकिस्तानको पेसावर सहरको एक मस्जिदमा शक्तिशाली बम विष्फोट भएको छ । उद्दारकर्मीले बीबीसीलाई बताएअनुसार विष्फोटबाट करिब २० जना बढि घाइते भएका छन् । घाइतेमध्ये केहीको अवस्था गम्भीर रहेको बताइएको छ ।

घाइतेहरूको पेसावरको लेडी रिडिङ अस्पतालमा उपचार भइरहेको छ । इस्लामाबादको आईजीले पेसावरमा बम विष्फोट पछि हाई अलर्ट जारी गरेको छ ।

घटनास्थल वरपर बाक्लोरुपमा सुरक्षाकर्मी परिचालन गरिएको छ । पाकिस्तानको एक निजी टेलिभिजनले करिब ५० बढि घाइतेहरूलाई अस्पताल भर्ना गरिएको समाचार प्रकाशित गरेको छ । एक प्रत्यक्षदर्शीले टीभीलाई बताएका छन्, ‘म मस्जिदतिर जाँदै थिए । नमाज सुरू हुँदै थियो । एक्कासी विष्फोटको आवाज आयो ।’ एजेन्सी