पत्रकार सरोजराज अधिकारी मृत फेला

---

नयाँ पेज

२०७९ कार्तिक २३ बुधबार २०:४५ बजे

काठमाडौं : पत्रकार तथा लेखक सरोजराज अधिकारी मृत फेला परेका छन्। सुन्धाराको सिद्धार्थ होटलको कोठाभित्र झुण्डिएको अवस्थामा उनी मृत फेला परेको काठमाडौं प्रहरी प्रमुख एसएससपी भरत बोहराले बताए।

अधिकारी हराएको भन्दै उनकी श्रीमतीले बुधबार काठमाडौं परिसरमा निवेदन दिएकी थिइन्। प्रहरीले फोन ट्रयाकिङसँगै आफन्तलाई साथै लगेर होटलहरुमा समेत खोजतलास गर्ने क्रममा सिद्धार्थमा इन्ट्रि भएको देखिएको थियो।

त्यसपछि उनी बसेको होटलको कोठामा श्रीमतीसहित पुग्दा कोठा भित्रबाटै बन्द थियो। प्रहरी र आफन्तले ढोका फोडेका थिए।
भित्र झुन्डिएको अवस्थामा अधिकारी मृत फेला परेका थिए ।

अधिकारीले चक्रब्यूहमा चन्द्रसूर्य, धम्बोझी, रुपबजारकी नोरा, जासुसीको जालो पुस्तक लेखेका थिए ।