काठमाडौं तिहारअघि नै झिलिमिली {फोटो फिचर}
![](https://nayapage.com/images/newlog1.jpg)
काठमाडौं । तिहार आउन अझै १२ दिन बाँकी छ । तर आजकल बजार डुल्दा अनि झिलिमिली देख्दा लाग्छ, तिहार आइसक्यो । संघीय राजधानी काठमाडौंको बजार आजकाल गुल्जार छ ।
तिहारको किनमेल गर्ने सर्वसाधारणको घुइँचो, झिलिमिली बत्ती, मिठाई मसला र फूलहरुले ढाकेको छ । तिहारले छुन हप्ता दिन अघिदेखि नै राजधानीका घरहरुमा झिलिमिली बत्ती बालिएको छ । तिहारलाई फूल, रङ र उज्यालोको पर्वको रुपमा लिइन्छ । न त जाडो, न त गर्मी ।
यो मौसम पनि आफैमा मनमोहक लाग्ने खालको छ । सधैँ पैसाको कुरा र कारोबार गर्ने व्यवसायिक घराना, बैंक र बीमा कम्पनीहरु लक्ष्मीलाई आकर्षित गर्न बिजुलीको उज्यालोले झिलिमिली बनेका छन् । धनमाथि धन कमियोस् भन्ने उद्देश्यका साथ तिहारमा लक्ष्मीलाई पुजेर झिलिमिली बत्ती बाल्ने गरिन्छ । तिहार झिलिमिली बत्ती र फूलको पर्व हो ।
एक आपसमा खुशी बाँड्दै रमाइलो गरी देउसी र भैली खेल्दै मनाइने चाड हो, तिहार । तिहारमा दियो, बत्ती बालेर घरलाई झिलिमिली पारिन्छ । फूलको मालाले सिंगारिन्छ । अझ लक्ष्मीपूजाको साँझमा हरेक घरमा उज्यालो हुन्छ । परम्परागत दियो बाल्ने चलन हिजोआज लोप भएर आधुनिक झिलिमिली बत्तीले ठाउँ पाएको छ ।
जसले यतिबेला काठमाडौं उपत्यकाका बजारहरु रंगीन छन् । बजारमा सामान किन्ने र बेच्नेको भीड देख्दा तिहार आइसकेको भान हुन्छ । तिहारका लागि आवश्यक पर्ने विभिन्न सामग्री खरिद गर्ने उपभोक्ताको घुइँचो यतिबेला हरेक बजारमा देखिन्छ । हेरौं तिहारको पूर्व सन्ध्यामा न्युज एजेन्सी नेपालले तयार पारेको राजधानीका केही दृश्यहरु :
![](https://s3.nayapage.com/uploads/2022/10/tihar-jhilimili-1-768x487.jpg)
![](https://s3.nayapage.com/uploads/2022/10/tihar-jhilimili-2-768x521.jpg)
![](https://s3.nayapage.com/uploads/2022/10/tihar-jhilimili-3-768x512.jpg)
![](https://s3.nayapage.com/uploads/2022/10/tihar-jhilimili-4-768x458.jpg)
![](https://s3.nayapage.com/uploads/2022/10/tihar-jhilimili-5-768x512.jpg)
![](https://s3.nayapage.com/uploads/2022/10/tihar-jhilimili-6-768x497.jpg)
![](https://s3.nayapage.com/uploads/2022/10/tihar-jhilimili-7-768x507.jpg)
![](https://s3.nayapage.com/uploads/2022/10/tihar-jhilimili-8-768x472.jpg)
![](https://s3.nayapage.com/uploads/2022/10/tihar-jhilimili-9-768x412.jpg)
![](https://s3.nayapage.com/uploads/2022/10/tihar-jhilimili-10-768x373.jpg)
![](https://s3.nayapage.com/uploads/2022/10/tihar-jhilimili-11-768x452.jpg)
![](https://s3.nayapage.com/uploads/2022/10/Tihar-jhilimili-12-768x409.jpg)