चुनाव तयारीका लागि नारायणकाजीसहित प्रचण्ड गोरखामा
![](https://nayapage.com/images/newlog1.jpg)
गोरखा । सत्तारुढ नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ निर्वाचन तयारीका गोरखा आएका छन् । आज (शुक्रबार) बिहान गोरखा आएका उनले जिल्लामा भएका केन्द्रीय सदस्यहरुसँग छलफल गरेका छन् ।
माओवादी केन्द्रका बरिष्ठ उपाध्यक्ष नारायणकाजी श्रेष्ठ, सचिव हितराज पाण्डेलगायत पनि बैठक र कार्यक्रमहरुमा सहभागी भएका छन् । मंसिर ४ गते हुने प्रतिनिधि सभा निर्वाचनमा गोरखा–२ बाट उम्मेदवार बनेपछि अध्यक्ष प्रचण्डले चुनावी रणनीति र छलफलका लागि गोरखा आउने क्रम बाक्लो बनाएका छन् ।
भातृ तथा शुभेच्छुक संघ संस्थासँगको भेटघाट, सत्ता गठबन्धनमा रहेका दलका नेता–कार्यकतालाई प्रशिक्षण, लगायत कार्यक्रममा सहभागी हुन उनी गोरखा आएका माओवादी केन्द्रले जनाएको छ ।