पोखराबाट उड्ना साथ यतिको विमानकाे इन्जिनमा समस्या, आकस्मिक अवतरण
![](https://nayapage.com/images/newlog1.jpg)
काठमाडौं । पोखराबाट ४५ यात्रु बोकेर आज (शुक्रबार) विहान काठमाडौंतर्फ उडेको यति एयरलाइन्सको जहाज आकस्मिक अवतरण गरेको छ ।
८ः५४ मा उडेको जहाज ९ बजे पोखरा विमानस्थल फर्किएर आकस्मिक अवतरण गरेको पोखरा विमानस्थलका प्रवक्ता देवराज सुवेदीले जानकारी दिएका छन् ।
एटीआर ७२ जहाजको इन्जिनमा समस्या आएपछि विमान फर्काइएको हो । विमान सामान्य अवस्थामै अवतरण गरेको सुवेदीले बताए । विमानमा समस्या हुँदा नजिकैको विमानस्थलमा त्यो जहाजलाई प्राथमिकतामा राखेर अवतरण गराइन्छ ।