अदुवाभित्र लुकाएर ल्याएको २०८ किलो गाँजासहित चालक र मिनीट्रक पक्राउ
![](https://nayapage.com/images/newlog1.jpg)
मोरङ । अदुवा लोड भएको मिनीट्रकभित्र लुकाएर भारततर्फ लैजान लागेको दुई सय आठ किलो गाँजा सुनसरी प्रहरीले पक्राउ गरेको छ । सोमबार बिहान सुनसरीको सदरमुकाम इनरुवा नगरपालिका- ४ बसचोकबाट को.१ ख २९२६ नम्बरको अदुवा बोकेको मिनीट्रकमा लुकाएर ल्याएको सात बोरा (दुई सय आठ किलो ) गाँजा प्रहरीले चेकजाँचका क्रममा पक्राउ गरेको हो ।
प्रहरीले गाँजासहित मिनीट्रक र त्यसका चालक धनकुटा सहिदभूमि- २ का २१ वर्षीय तेज राईलाई पनि नियन्त्रणमा लिएको छ । चालक राईलाई प्रतिबन्धित लागुऔषध गाँजा ओसारपसार गरेको आरोपमा जिल्ला अदालत सुनसरीमा सात दिनको म्याद थप गराएको सुनसरी प्रहरीले जनाएको छ ।
प्रदेश १ को पहाडी जिल्ला धनकुटा, उदयपुरलगायतका जिल्लामा अवैध रूपमा उत्पादन भएको गाँजा लुकाइछिपाई भारततर्फ तस्करी हुने गरेको छ ।