राहुल गान्धी काठमाडौंमा

---

नयाँ पेज

१९:३७ बजे

काठमाडौं । भारतीय कंग्रेस आईका नेता राहुल गान्धी वैवाहिक कार्यक्रममा सहभागी हुन नेपाल आएका छन् । गान्धी सोमबार अपरान्ह ४ः१० बजे त्रिभुवन विमानस्थलमा उत्रेका हुन् ।

गान्धी आफ्नी नेपाली साथी सुम्निमा उदासको विवाहमा सहभागी हुन नेपाल आएको स्रोतले जानकारी दिएको छ । पूर्व नेपाली राजदूत भीम उदासकी पुत्री सुम्निमाको विवाह आउँदो मंगलबार काठमाडौंमा हुँदैछ । निमा मार्टिन शेर्पासँग उनको विवाह हुन लागेको हो । सुम्निमा अमेरिकी समाचार संस्था सिएनएनकी पूर्व पत्रकार हुन् ।

गान्धीका साथमा अन्य तीन जना भारतीय पनि छन् । उनी नक्सालस्थित होटल मेरियटमा बसिरहेका छन् । उनी कति दिन नेपाल रहन्छन् भन्ने खुलेको छैन । यसअघि सन् २०१८ मा गान्धी चीनको मानवसरोवर जाने क्रममा नेपाल पनि पसेका थिए ।