.gif)
 (1).png){kind=logo}
.png)
चर्चित हाँस्य कलाकार भारती सिंह र उनका श्रीमान जमानतमा रिहा
नयाँदिल्ली, ९ मंसिर । चर्चित भारतीय हाँस्य कलाकार भारती सिंह र उनका श्रीमान हर्ष लिम्बाचियालाई मुम्बईको एक अदालतले जमानत दिएको छ ।
दुबैलाई १५–१५ हजार जमानत लिएर छाडिएको भारतीय सञ्चार माध्यमले जानकारी दिएका छन् । सुशान्त सिंह राजपूतको मामिलामा ड्रग्सको कुरा सार्वजनिक भएपछि फिल्म र टिभी जगतका विभिन्न हस्तीलाई नारकोटिक्स कन्ट्रोल ब्यूरो (एनसीबी) ले सोधपुछ गरिरहेको छ ।
एनसीबीले नयाा सिलसिलामा चर्चित व्यक्तिहरुको घरमा छापामारी पनि गरिरहेको छ । यसमा अब ताजा नाम चर्चित हाँस्यकलाकार भारती सिंहको नाम जोडिएको छ ।
भारती सिंहलाई एनसीबीले शनिबार मुम्बईमा उनको घरबाट पक्राउ गर्यो । एनसीबीका अनुसार उनको घर र प्रोडक्सन हाउसमा गरिएको छापामारीमा ८६.५ ग्राम गाँजा भेटिएको थियो । विभागका अधिकारीको दाबी अनुसार भारती सिंह र उनका श्रीमानले गाँजा सेवन गर्ने गरेको कुरा स्विकारेका छन् । भारती सिंहका साथै उनका श्रीमान हर्ष लिम्बाचियालाई पनि पक्राउ गरिएको थियो । एजेन्सी
