.gif)
 (1).png){kind=logo}
.png)
थप २,९३३ जनामा कोरोना संक्रमण, ३,१५० जना निको, २४ जनाको निधन
काठमाडौं, १७ कार्तिक । नेपालमा पछिल्लो २४ घण्टामा थप दुई हजार ९३३ जनामा कोरोना भाइरस संक्रमण पुष्टि भएको छ । देशभरका प्रयोगशालामा १३ हजार ४४६ नमुना परीक्षण गर्दा १,१७६ महिला र १,७५७ पुरुषमा संक्रमण पुष्टि भएको हो ।
काठमाडौं उपत्यकामा पछिल्लो २४ घण्टामा १,६३० जना संक्रमित थपिएका छन् । मन्त्रालयका अनुसार काठमाडौंमा १,३२९, भक्तपुरमा १०८ र ललितपुरमा १९३ जना नयाँ संक्रमित थपिएका छन् ।
योसँगै नेपालमा कोरोना संक्रमितको संख्या एक लाख ७६ हजार ५०० पुगेको छ । उनीहरुमध्ये ९८४ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । यस्तै १ लाख ३७ हजार ९९२ संक्रमणमुक्त भएका छन् ।
पछिल्लो २४ घण्टामा मात्र ३,१५० जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ । देशभर ३७ हजार ५२४ सक्रिय संक्रमित छन् । पछिल्लो २४ घण्टामा थप २४ जनाको ज्यान गएको छ । नेपालमा कोरोना सङ्क्रमणका कारण ज्यान गुमाउनेको संख्या ९८४ पुगेको स्वास्थ्य मन्त्रालयले जनाएको छ ।
