.gif)
 (1).png){kind=logo}
.png)
बर्दियासँग सीमा जोडिएको भारतको बहराइचमा एक नेपालीसहित आठ जनामा कोरोना
बर्दिया, ११ बैसाख । नेपालको बर्दिया जिल्लासँग सीमा जोडिएको भारत उत्तर प्रदेशको बहराइचमा एक नेपालीसहित आठ जनामा कोरोना संक्रमण भेटिएको छ ।
रुपैडिहास्थित सेल्टर क्वारेन्टाइनमा तीन नेपालीको नमुना परीक्षण गर्दा एक जनामा कोरोना पोजिटिभ पाइएको हो । उनीलगायत ५० जनालाई बहराइचस्थित जिल्ला अस्पतालमा रेफर गरिएको लखनउस्थित एक प्रहरीको भनाई उदगृद्ध गर्दै भारतीय पत्रिका अमर हिन्दुस्तान टाइम्सले उल्लेख गरेको छ ।
आठ जनामा कोरोना पुष्टि भएपछि उनीहरुको ट्राभल हिस्ट्री निकाल्ने काम भइरहेको जनाएको छ । कोरोतिम नेपाली प्रदेश–५ का बासिन्दा हुन् ।
सीमावर्ती बहराइचमा कोरोना भाइरस संक्रमण देखिएपछि भारतसँग जोडिएको सीमानामा उच्च सर्तक रहन स्थानीय प्रशासनले सुरक्षाकर्मीलाई निर्देशन दिएको छ ।
बर्दियाका प्रमुख जिल्ला अधिकारी प्रेमलाल लामिछानेले भारतबाट सुरक्षा निकायलाई चनाखो भएर सीमामा थप कडाई गर्न भनिएको जानकारी दिएका छन् ।
