.gif)
 (1).png){kind=logo}
.png)
पति पारसका लागि साउने ब्रतमा हिमानी, छोराछोरीसहित गरिन् पशुपतिमा पूजा
२०७५ श्रावण ७ सोमबार ०५:३० बजे
साउनको पहिलो सोमबार पूजाअर्चना गर्न उनी छोरा हृदयन्द्र र छोरी पूर्णिकाको साथमा पशुपति आएकी हुन् । विहान सवा नौ बजे पशुपति पुगेकी हिमानीले झण्डै आधा घण्टा मन्दिरमा पूजाअर्चनामा बिताइन् । आफ्ना पति पारस शाहसँग विगतमा बिग्रिएको सम्बन्ध सुमधुर बन्दै गएको चर्चा चलिरहेका बेला हिमानीको यो साउने ब्रतलाई निकै चासोका साथ हेरिएको छ ।
साउनको पहिलो सोमबार आज पशुपति मन्दिरसहित देशैभरीका शिव मन्दिरहरुमा महिला र युवतीहरुको घुइँचो लागेको छ । साउनको सोमबार व्रत बसे मनोकामना पूरा हुने धार्मिक मान्यता छ । महिला र युवतीहरुले साउनको सोमबार महादेवको पूजा आराधना गरी ब्रत बस्ने प्रचलन छ । विवाहिताले पतिको दीर्घायुको कामना गर्ने र अविवाहिता नारीले असल श्रीमान पाऊँ भनि कामना गर्ने पर्वको रुपमा समेत साउने ब्रतलाई लिइने गरेको छ । 
2025-07-01-21-26-21.jpg)
