.gif)
 (1).png){kind=logo}
.png)
जडीबुटी टिप्ने विषयमा विवाद, ढुङ्गाले हानेर युवकको हत्या
बझाङ । बझाङको साईपाल गाउँपालिका–२, राईढुङ्गे लेकमा जडीबुटी संकलनका क्रममा विवाद हुँदा एक युवकको ढुङ्गा प्रहार गरी हत्या गरिएको छ ।
गत साउन २३ गते साँझ करिब ६ः३० बजे जाजरकोट भेरी नगरपालिका–६, गंगातिया निवासी करिब २३् २४ वर्षका महेन्द्रराज भण्डारीलाई सोही ठाउँका करिब २१–२२ वर्षका चन्द्र घर्तीले ढुङ्गाले टाउकोमा प्रहार गरेका थिए । उनको घटनास्थलमै मृत्यु भएको जिल्ला प्रहरी कार्यालय बझाङले जानकारी दिएको छ ।
घटनापछि जडीबुटी संकलनमा रहेका अन्य व्यक्तिहरूले घर्तीलाई नियन्त्रणमा लिएका छन् । प्रहरीले जडीबुटी (हातेजडी, कटुकी आदि)टिप्ने क्रममा विवाद भएको बताइएको छ ।
घटनाबारे जानकारी पाएपछि लासी प्रहरी चौकीबाट प्रहरी नायब निरीक्षक पदम सिंह बडालको नेतृत्वमा ३ जना, अस्थायी प्रहरी पोस्ट धलौनबाट प्रहरी सहायक निरीक्षक नवकुलबहादुर सिंहको नेतृत्वमा ३ जनाको टोली खटिएको जिल्ला प्रहरी कार्यालय बझाङले जनाएको छ ।
घटनास्थल लासी प्रहरी चौकीबाट करिब ८ घण्टा पैदल उत्तरतर्फ र जिल्ला प्रहरी कार्यालय बझाङबाट करिब दुई दिनको पैदल दूरीमा पर्छ ।
