जापान ८० रनमा अलआउट, शुभमले लिए पाँच विकेट

---

नयाँ पेज

२०८२ असार १० मंगलबार १५:०८ बजे

काठमाडौं । एसीसी यू–१६ इस्ट जोन क्रिकेटमा जापानले नेपाललाई ८० रनको सामान्य लक्ष्य दिएको छ । टस जितेर पहिला ब्याटिङ गरेको जापान ३४ ओभर ३ बलमा ८० रनमा समेटियो । जापानका कप्तान चार्ली हाराहिन्जले सर्वाधिक ३६ रन बनाए। अन्य ब्याटर क्रीजमा टिक्न सकेनन्।

जापानलाई सस्तोमा समेट्न नेपालका शुभम खनाल एक्लैले ५ विकेट लिए । १० ओभर बलिङ गरेका शुभमले १५ रन दिएर ५ विकेट झारे । अभय यादवले २, सुशील रावल र विपिन प्रसाद शर्माले १÷१ विकेटको योगदान दिए । नेपालले आफ्नो पहिलो खेलमा सिंगापुरलाई ५ विकेटले हराएको थियो