.gif)
 (1).png){kind=logo}
.png)
कस्तो रहला आज देशभरको मौसम ?
काठमाडौं । हाल देशमा पश्चिमी तथा स्थानीय वायुको प्रभाव रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ । साथै, बङ्गालको खाडी र अरब सागरबाट आएको जलवाष्पयुक्त हावाको समेत आंशिक प्रभाव रहेको छ ।
महाशाखाका अनुसार अहिले कोशी, बागमती, गण्डकी र लुम्बिनी प्रदेशका भूभागमा आंशिकदेखि साधरणतया बदली रही पहाडी भू–भागमा आंशिक बदली र बाँकी भू–भागमा मौसम मुख्यतया सफादेखि आंशिक बदली रहेको छ । कोशी, बागमती र गण्डकी प्रदेशका एकदुई स्थानमा चट्याङ्गसहित हल्का वर्षा भइरहेको छ ।
आज (बिहीबार) दिउँसो देशको पहाडी भूभागमा आंशिकदेखि साधरणतया बदली रही बाँकी भू–भागमा मौसम मुख्यतया सफादेखि आंशिक बदली रहने छ । कोशी र गण्डकी प्रदेशका पहाडी भूभागका थोरै स्थान र बाँकी पहाडी भू–भागका एक–दुई स्थानमा चट्याङ्गसहित हल्कादेखि मध्यम वर्षाको सम्भावना रहेको छ । देशका उच्च पहाडी तथा हिमाली भू–भागका एक–दुई स्थानमा हल्का वर्षासहित हिमपातको सम्भावना छ।
पछिल्लो २४ घण्टामा बागलुङको गलकोटका १०५ मिलिमिटरभन्दा बढी पानी परेको छ । यस्तै पर्वतमा ४०.६, स्याङ्जामा २७, कास्कीको लामापाटनमा ३५.२, पर्वतको कुस्मामा २९.८ मिलिमिटर वर्षा भएको छ । त्यस्तै झापाको दमकमा १८, इलामको चुलाचलीमा १२.२, संखुवासभाको तुम्लिङटारमा पनि १२.२ मिलिमिटर वर्षा भएको छ ।
