.gif)
 (1).png){kind=logo}
.png)
झण्डीडाँडामा ‘लाईभ पेन्टिङ’
काठमाडौं । इलामको पर्यटकीयस्थल झण्डीडाँडामा आज ‘लाइभ’ चित्र कोर्ने कार्यक्रम (लाइभ पेन्टिङ) सम्पन्न भएको छ। त्यहाँको प्रकृति र पर्यापर्यटनको बारेमा कला क्षेत्रका विद्यार्थीहरूलाई प्रकृति संस्कृति र पर्यटनको बारेमा जानकार गराउने उदेश्यले उक्त कार्यक्रम सम्पन्न भएको हो ।
बिद्या बिकास एकेडेमीका कला शिक्षक तथा एस्क्वायर आर्टसका फाउण्डर अर्जुन बस्नेतको नेतृत्वमा उक्त कार्यक्रम भएको हो । एकेडेमीका दर्जन कला विद्यार्थीको सहभागिता रहेको प्रत्यक्ष चित्र कोर्ने कार्यक्रम अघि सो टोलीले करसोङ पदमार्गमार्फत पदयात्रा गरी नाइट स्टे क्याम्पिङ गरेका थिए ।
कार्यक्रमको उद्देश्य झण्डी पर्यटन प्रवर्द्धन गर्न भ्रमण गर्ने, वातावरण जोगाउनु, वातावरणमा रमाउनु र त्यहाँको सुन्दर दृष्यहरू चित्रमा उतार्ने रहेको टिम लिडर बस्नेतले बताए । प्रत्यक्ष रूपमा दर्जनौं झण्डीसम्बन्धी चित्र उतारिएको उनले बताए ।
