सत्यमोहन जोशीको अर्धकदको शालिक अनावरण

---

नयाँ पेज

२०८२ बैशाख ३० मंगलबार १६:११ बजे

काठमाडौं । स्वर्गीय वाङ्मय शताब्दी पुरूष सत्यमोहन जोशीको अर्धकदको शालिक अनावरण भएको छ। आज (मंगलबार) बिहान ललितपुर महानगरपालिका प्राङ्गणमा जोशीको अर्धकदको शालिक अनावरण गरिएको हो।

महानगरपालिकाले निर्माण गरेको शालिक जोशीको १०६ औं जन्म जयन्तीको अवसरमा महानगर प्रमुख चिरीबाबु महर्जनले अनावरण गरेका हुन्। २०७९ असोज ३० गते शताब्दी पुरूष सत्यमोहन जोशीको १०३ वर्षको उमेरमा निधन भएको थियो।

उनको ‘इच्छा अनुसार’ तथा ‘परिवारका सदस्यहरूको अनुमतिमा’ जोशीको शरीरलाई किस्ट मेडिकल कलेजलाई दान गरिएको थियो । कार्यक्रममा बोल्दै महानगर प्रमुख महर्जनले महानगरबाट गर्न मिल्ने र सक्ने कार्यक्रमअन्तर्गत शालिक निर्माण गरिएको बताए। झनाख्य पार्कमा अब कुनै पनि शालिक नबनाउने उनले बताए। झनाख्य पार्कमा ४ वटा शालिक निर्माण भइसकेकाले पाँच वटा नबनाउने उनले बताए।