रवीन्द्र र धवलसहित २० जनाको थपियो हिरासत बसाई

---

नयाँ पेज

०८:१३ बजे

काठमाडौं । जिल्ला अदालत काठमाडौंले राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्र र महामन्त्री धवल शम्शेर राणासहित २० जनालाई १५ दिन हिरासतमा राख्न अनुमति दिएको छ ।

न्यायाधीश विष्णुप्रसाद उपाध्यायको इजलासले राज्यविरूद्धको कसुरमा पक्राउ परेका रविन्द्र मिश्र, सांसद धवलशम्शेर राणासहित २० जनालाई थप १५ दिन हिरासतमा राख्न प्रहरीलाई अनुमति दिएको हो ।

काठमाडौंको तीनकुनेमा भएको हिंसात्मक प्रदर्शनमा प्रहरीले रविन्द्र मिश्रसहित २० जनालाई पक्राउ गरेको थियो। उनीहरुमाथि राज्यविरूद्धको कसुरमा अनुसन्धान भइरहेको छ । उनीहरूसहित ५३ जनामाथि भने आपराधिक उपद्रव र संगठित अपराध कसुरमा अनुसन्धान भइरहेको छ। प्रहरीले अहिलेसम्म तीनकुनेमा भएको हिंसात्मक प्रदर्शनको क्रममा ७३ जनालाई पक्राउ गरेको छ । राजावादी समूहका तर्फबाट १५ चैतमा भएको प्रदर्शनमा दुई जनाको ज्यान समेत गएको थियो ।