रास्वपालाई पोखरेलको प्रश्न : रविजी गृहमन्त्री हुँदा प्रहरीको पुर्जी काट्ने ‘रीति’ के थियो ?

---

नयाँ पेज

१४:५० बजे

काठमाडौं । सत्तारुढ नेकपा एमालेका महासचिव शंकर पोखरेलले प्रहरीको पक्राउ पुर्जी काट्ने ‘रीति र थिति’ रवि लामिछाने गृहमन्त्री हुँदाको अवस्थामा के थियो ? भन्दै प्रश्न गरेका छन् । 

आज (शनिबार) सामाजिक सञ्जालमा लेख्दै पोखरेलले राष्ट्रिय स्वतन्त्र पार्टी (रास्वपा) का नेताहरूलाई सो प्रश्न गरेका हुन्। उनले सुधारको खोजी यस्तै बेलामा हुने बताउँदै लेखेका छन्, ‘प्रहरीको पुर्जी काट्ने ‘रीति र थिति’ रविजी गृहमन्त्री हुँदाको अवस्थामा के थियो भन्ने रास्वपाका नेताहरूलाई ‘थाहा’ नहुने कुरै भएन । तर पनि सुधारको खोजी यस्तै बेलामा हुने त हो नि !’

यसअघि रास्वपाको केन्द्रीय सचिवालयको आकस्मिक बैठकले पक्राउ पुर्जी नै नलिई प्रहरीहरू सभापतिको घर पुगेको र ‘बेडरूमभित्र बसेर’ पक्राउ पुर्जी लेखेको भन्दै त्यसको भत्र्सना गर्ने निर्णय गरेको छ ।