देउवाले बोलाए पदाधिकारी बैठक

---

नयाँ पेज

२०८१ चैत ४ सोमबार १६:०३ बजे

काठमाडौं । सत्ता साझेदार नेपाली कांग्रेसका सभापति शेरबहादुर देउवाले पदाधिकारी बैठक बोलाएका छन्। समसामयिक राजनीति  र आन्तरिक विषयमा छलफल गर्नका लागि देउवाले मंगलबार बस्ने गरी बैठक बोलाएको सहमहामन्त्री महेन्द्र यादवले जानकारी दिए ।

‘समसामयिक राजनीति र आन्तरिक राजनीतिको विषयमा छलफल गर्न सभापतिले पदाधिकारीको बैठक बोलाउनु भएको छ,’  यादवले भने, ‘बैठक सभापतिको निवास बूढानीलकण्ठमा मंगलबार दिउँसो २ बजे बस्नेछ ।’ पछिल्लो समय राजावादीहरू सक्रिय हुन थालेपछि पार्टीले यसबारेमा पनि छलफल गर्ने यादवले जानकारी दिए । सत्तारुढ दल एमालेले पनि आजै सचिवालय बैठक बोलाएको छ ।