.gif)
 (1).png){kind=logo}
.png)
डा. भट्टराईको दावी : माओवादी केन्द्रकै कारण नेपाल ‘ग्रे लिस्ट’ पर्यो
काठमाडौं । सत्तारुढ नेकपा एमालेका स्थायी कमिटी सदस्य तथा परराष्ट्र मामिला विज्ञ डा. राजन भट्टराईले माओवादी केन्द्रकै कारण नेपाल सम्पत्ति शुद्धीकरणको ‘ग्रे लिस्ट’ मा परेको दावी गरेका छन् ।
एमाले वागमती प्रदेश इञ्चार्ज समेत रहेका नेता भट्टराईले विभिन्न चार कारण दिँदै देशलाई सम्पत्ति शुद्धीकरणको ग्रे लिस्टमा पुर्याउन माओवादीकै विगतका निर्णय र क्रियाकलापहरु मुख्य कारण रहेको दावी गरेका छन् । माओवादी सांसद माधव सापकोटाले नेपाल ग्रे लिस्टमा परेको भन्दै प्रधामन्त्रीसहित सरकारले मार्ग ्रशस्त गर्नुपर्ने माग संसदमा राखे लगत्तै एमाले नेता भट्टराईले माओवादीमाथि चार प्रश्न उठाएका हुन् ।
भट्टराईले माओवादी युद्धकालमा चन्दा, लुटपाट र अपहरणबाट अकुत सम्पत्ति जम्मा भएको र त्यो पैसा वित्तीय प्रणालीमा अस्वच्छ रुपमा मिसिएकाले सम्पत्ति शुद्धीकरणको ग्रे लिस्टमा पर्ने आधार बिगतमै बनेको बताएका छन्।भट्टराईले प्रचण्ड प्रधानमन्त्री भएकै बेलामा एफएटीएफले पटक–पटक ग्रे लिस्टको चेतावनी दिएको तर उक्त सरकारका बेलामा कानूनी र प्रणालीगत सुधार नभएकाले अघिल्लो वर्षकै रिपोर्टका आधारमा नेपाल ग्रे लिस्टमा परेको दावी गरेका छन् ।
यी हुन् भट्टराईले दिएका चार आधार
१) माओवादी हिंसा र सम्पत्ति शुद्धीकरणको सम्बन्ध– माओवादी युद्धकालमा अंकुत सम्पत्ति जम्मा गरियो, जुन अनुगमन हुन सकेन । जबरजस्ती चन्दा, लुटपाट र अपहरणबाट उठाएको पैसा अहिले पनि वित्तीय प्रणालीमा अस्वच्छ रूपमा मिसिएको छ ।
२) एफएटीएफ नेपाललाई ग्रे लिस्टमा राख्नुको मुख्य कारण भनेकै वित्तीय पारदर्शिता अभाव, गैरकानुनी लेनदेनको निगरानी कमजोरी र आतंकवादी गतिविधिमा आर्थिक सहयोग हुन सक्ने सम्भावना हो । प्रचण्ड प्रधानमन्त्री भएका बेला नै एफएटीएफले पटक–पटक चेतावनी दिएको थियो ।
३) २०६३ पछि माओवादी नेतृत्व सरकारमा आएदेखि नै आर्थिक अनियमितता बढ्दै गयो । सरकारमा हुँदा कानुनी सुधार नगर्ने, अनुगमन कमजोर पार्ने र आफ्ना भ्रष्ट नेताहरूलाई जोगाउने खेल माओवादीले नै गर्यो ।
४. कसले मार्ग प्रशस्त गर्नुपर्छ ?
यदि माधव सापकोटाले नैतिकताको कुरा उठाउने हो भने पहिला प्रचण्ड स्वयंले नैतिक जिम्मेवारी लिएर राजनीतिबाट सन्यास लिनुपर्छ । माओवादी नेतृत्वकै कारण आज नेपाल अन्तर्राष्ट्रिय वित्तीय संस्थाहरूको नजरमा अस्वच्छ देखिएको हो । सरकार असफल भयो भन्ने आरोप लगाउनु सजिलो छ, तर यसको जग कसले खन्यो भन्ने बुझ्नुपर्छ । माओवादीकै कारण नेपाल भ्रष्टाचारको अखडा बन्यो अनि आज आएर आफैंलाई चोखो देखाउने कोशिस गर्दैछन् । वास्तविक दोषी को हो भन्ने जनता राम्रोसँग बुझ्छन् ।
