.gif)
 (1).png){kind=logo}
.png)
म्यानमारविरुद्ध नेपालको टोलीमा तीन परिवर्तन
काठमाडौं । काठमाडौंमा जारी चार राष्ट्र सम्मिलित इन्टरनेट वुमन्स च्याम्पियनसिप अन्तर्गत नेपालले आज (आइतबार) समूह चरणको अन्तिम खेलमा म्यानमारसँग खेल्दैछ । दशरथ रंगशालामा केहीबेरमा सुरु हुने खेलका लागि नेपालले अघिल्लो खेलको प्लेइङ ११ मा तीन परिवर्तन गरेको छ ।
कप्तान एन्जिला सुब्बासहित तीन खेलाडी बेन्चमा परेका छन् । एन्जिला, बिमला चौधरी र रेखा पौडेललाई विश्राम दिइएको छ । उनीहरुको स्थानमा अन्जना रानामगर, रश्मीकुमारी घिसिङ र सरु लिम्बु खेल्ने छन् । टोलीको कप्तानी रेनुका नगरकोटे सम्हाल्ने छिन् ।
नेपाल र म्यानमार दुवै टोली यसअघि नै फाइनलमा स्थान सुरक्षित गरिसकेकाले यो खेल फाइनलअघिको तयारीको रुपमा रहनेछ । म्यानमारले लेबनानलाई ३–१ र कीर्गिस्तानलाई ५–० गोलअन्तरले पराजित गरेको छ । नेपालले दुवै टोलीलाई १–० को समान गोल अन्तरले पराजित गरेको थियो ।
आजको प्लेइङ ११
अन्जना राना मगर, सावित्रा भण्डारी, सविता राना, प्रीति राई, रश्मी घिसिङ, विमला विक, पूजा राना, रेनुका नगरकोटे, सरु लिम्बू, गीता राना र समीक्षा घिमिरे ।
