भरत जंगम पक्राउ, साई स्वागत सहकारीको रकम अपचलनको आरोपमा

---

नयाँ पेज

२०८१ पौष ७ आइतबार २३:०५ बजे

काठमाडौं । काठमाडौंको बानेश्वरस्थित साई स्वागत सहकारीको रकम अपचलनको आरोपमा भरत जंगम पक्राउ परेका छन् । उनलाई सहकारीको रकम अपचलनबारे अनुसन्धानका लागि नियन्त्रणमा लिइएको काठमाडौंका एसएसपी बसन्त रजौरेले जानकारी दिएका छन् । जंगम सो सहकारीको पूर्व अध्यक्ष हुन् । साई स्वागतको निवर्तमान उपाध्यक्ष रास्वपा सभापति निकिता पौडेल हुन् । 

जिल्ला प्रहरी परिसर काठमाडौंका एसपी नवराज अधिकारीले आइतबार जंगमलाई काठमाडौंबाट पक्राउ गरिएको बताए । सरकारी वकिलको कार्यालय काठमाडौंका अनुसार प्रहरीले उनलाई पक्राउ गरी आइतबार म्याद थप गर्न अदालतमा पेस भएको छ । जिल्ला न्यायाधिवक्ता खडिन्द्रराज कटुवालका अनुसार उनीमाथि अनुसन्धानका लागि सात दिन हिरासतमा राख्न माग गरेको छ ।