दुई मोटरसाइकल ठोक्किँदा एक चालकको मृत्यु, अर्का घाइते

---

नयाँ पेज

२०८१ मङ्सिर १२ बुधबार १५:४५ बजे

कपिलवस्तु । कपिलवस्तुमा दुई मोटरसाइकल आपसमा ठोकिँदा एक युवकको मृत्यु भएको छ । यसोधरा गाउँपालिका–७ सोमढीहमा मंगलबार साँझ लु.५५ प ३७३४ नम्बरको मोटरसाइकल र भारतीय नम्बर प्लेटको यूपी ५५ एके ३५७५ नम्बरको मोटरसाइकल आपसमा ठोकिँदा लु.५५ प ३७३४ नम्बरको मोटरसाइकल चालकको मृत्यु भएको हो । 

मृत्यु हुनेमा यसोधरा गाउँपालिका–८ सिंहखोर घर भएका ३१ वर्षीय सब्दान हुसेन चौधरी रहेका जिल्ला प्रहरी कार्यालय कपिलवस्तुले जनाएको छ ।  दुर्घटनामा गम्भीर घाइते भएका उनको जिल्ला अस्पताल तौलिहवामा उपचारको क्रममा मृत्यु भएको हो । दुर्घटनामा घाइते भएका यूपी ५५ एके ३५७५ नम्बरको मोटरसाइकल चालकको सोही अस्पतालमा उपचार भइरहेको प्रहरीले जनाएको छ ।