.gif)
 (1).png){kind=logo}
.png)
स्कुल बसको ठक्करबाट बालिकाको मृत्यु
जनकपुरधाम । धनुषामा बोर्डिङ स्कुल बसको ठक्करबाट एक बालिकाको मृत्यु भएको छ । मृत्यु हुनेमा धनुषाधाम नगरपालिका–३ का सरोज शर्माको ३ वर्षीय छोरी मान्सी शर्मा रहेको धनुषाका प्रहरी प्रवक्ता तथा डिएसपी बरुणबहादुर सिंहले जानकारी दिए ।
उनका अनुसार धनुषाधाम नगरपालिका–३ स्थित सञ्चालित बाल आवासीय माध्यमिक विद्यालयको ना १ ख ९६९६ नम्बरको बसले ठक्कर दिँदा आज बिहान बालिका गम्भीर घाइते भएकी थिइन् । धनुषाधामको सर्साबाट विद्यार्थी लिन धनुषाधाम आउँदै गरेको बसले बाटोमा खेलिरहेकी बालिका शर्मालाई ठक्कर दिएको थियो ।
ठक्करबाट टाउकोमा चोट लागि गम्भीर घाइते भएकी उनलाई प्रादेशिक अस्पताल जनकपुरमा उपचारको क्रममा चिकित्सकले मृत घोषित गरेका थिए । धनुषाधाम नगरपालिका–३ निवासी बस चालक ४२ वर्षीय उमेशकुमार साहलाई प्रहरीले नियन्त्रणमा लिएर थप अनुसन्धान भइरहेको धनुषा प्रहरीले जनाइएको छ । बालिकाको शव पोस्टमार्टमका लागि प्रादेशिक अस्पतालमा जनकपुरमा राखिएको छ ।
