.gif)
.png)
सन्दीप लामिछानेलाई अमेरिकाले दियो भिसा
२०८१ कार्तिक २ शुक्रबार १७:०६ बजे
काठमाडौं । अमेरिकाले क्रिकेटर सन्दीप लामिछानेलाई भिसा दिएको छ । उनी आजै बेलुका अमेरिका प्रस्थान गर्ने नेपाल क्रिकेट संघ (क्यान) ले जनाएको छ । नेपाल र अमेरिकाबीच तीन खेलको टी–२० शृंखला आज (शुक्रबार) देखि सुरू भएको थियो । पहिलो खेल नेपालले जितेको छ ।
नेपाल, अमेरिका र स्कटल्याण्ड सम्मिलित विश्वकप लिग–२ शृंखला अक्टोबर २५ देखि नोभेम्बर ४ सम्म अमेरिकाको टेक्ससस्थित ग्रान्ड प्रेरी रंगशालामा हुँदैछ । यसअघि अमेरिकाले भिसा नदिएकै कारण सन्दीपले टी–२० विश्वकपको अमेरिकामा भएका खेलहरूमा सहभागी हुन पाएका थिएनन् । सन्दीपसँग अमेरिकाको भिसा नभएकाले उनी क्यानाडामा खेलिसकेर स्वदेश फर्किएका थिए ।
