.gif)
 (1).png){kind=logo}
.png)
ट्याक्टर र मोटरसाइकल ठोक्किँदा एक युवकको मृत्यु, एक घाइते
२०८१ असोज ३० बुधबार १७:३२ बजे
कैलाली । कैलालीमा ट्याक्टर र मोटरसाइकल जुध्दा एक युवकको मृत्यु भएको छ । कैलालीको भजनी नगरपालिका–७, चर्रास्थित हुलाकी सडकमा से १ त १७८६ नम्बरको ट्याक्टर र से ६ प १०६१ नम्बरको मोटरसाइकल ठोक्किएर दुर्घटना हुँदा मोटरसाइकल चालक कैलारी गाउँपालिका–५ का २२ वर्षीय आशिमकुमार चौधरीको मृत्यु भएको हो ।
जिल्ला प्रहरी कार्यालय कैलालीका अनुसार दुर्घटनामा गम्भीर घाइते भएका चौधरीलाई उपचारका लागि नवजीवन अस्पताल धनगढी लगिएको थियो । तर, अस्पताल पुर्याइए लगत्तै चिकित्सकले मृत घोषणा गरेका थिए ।
मोटरसाइकलमा पछाडि सवार सोही ठाउँ बस्ने २२ वर्षीय डेबिट चौधरी घाइते भएका छन् । डेबिटको नवजीवन अस्पताल धनगढीमा उपचार भइरहेको छ । ट्याक्टर चालक भजनी नगरपालिका–७ का ५२ वर्षीय शिवकुमार अहिरलाई नियन्त्रणमा लिएर थप अनुसन्धान सुरु गरेको प्रहरीले जनाएको छ ।
