बुद्ध एयरले थप्यो काठमाडौं–भद्रपुर उडान

---

नयाँ पेज

२२:१८ बजे

काठमाडौं । बुद्ध एयरले काठमाडौं–भद्रपुर उडान थपेको छ । यात्रुको अत्याधिक माग आएपछि बुद्धले भोलि (बिहीबार) दुईटा उडान गर्दैछ । शुक्रबारबाट दैनिक एक उडान थप गरिएको कम्पनीले जनाएको छ । बाढी र पहिरोको कारण राजमार्गहरू पूर्ण रूपमा चल्न नसकेपछि हवाई यात्रुको चाप बढेको छ ।

समयमै मौसम नखुल्दा काठमाडौं– विराटनगरका लागि निर्धारित उडानहरू हुन सकेका छैनन् । यस कारण पनि बुद्धले भद्रपुरका लागि उडान थपेको जनाएको छ । अहिले बुद्धले यस गन्तव्यका लागि ६ वटा उडान गर्दै आएको छ ।  यस गन्तव्यका लागि न्यूनतम ६ हजार चार सय रूपैयाँ र अधिकतम १२ हजार ८० रूपैयाँ भाडादर तोकिएको छ ।