.gif)
 (1).png){kind=logo}
.png)
नेकपा एस उपसभामुखको पक्षमा उभिने
२०८१ भदौ २६ बुधबार १९:५८ बजे
काठमाडौं । नेकपा एकीकृत समाजवादी पार्टी उपसभामुख इन्दिरा राना मगरको पक्षमा उभिने भएको छ । आज (बुधबार) पार्टी कार्यालय आलोनगरमा बसेको स्थायी कमिटी बैठकले उपसभामुखको पक्षमा उभिने निर्णय गरेको उपमहासचिव रामकुमार भट्टराईले जानकारी दिए ।
प्रतिनिधि सभा बैठकमा सत्तारुढ सांसदहरुले उपसभामुखले राजीनामा दिनुपर्ने बताइरहेका छन् । उपसभामुखको राजीनामा नआए वैधानिक प्रक्रियाबाट हटाउने तयारीमा सत्तारुढ दल छ । सत्तारुढ दलहरुले उपसभामुख रानामगरको राजीनामा नआए वैधानिक प्रक्रियाबाट हटाउने चेतावनी दिएका छन् ।
तर एकीकृत समाजवादीले भने उपसभामुखको बचाउमा उभिने निर्णय गरेको हो । बैठकले आगामी ५ असोजमा काठमाडौंमा सन्देश सभा गर्ने निर्णय पनि गरेको छ । महाधिवेशनपछि पार्टी एकताबद्ध रहेको सन्देश दिन सभा गर्ने निर्णय गरेको हो ।
