प्रायः नमुस्कुराउने ट्रम्पलाई किमले प्रफुल्लित बनाए (फोटोफिचर)

नयाँ पेज

२०७५ जेठ २९ मंगलबार १२:५९ बजे

सिंगापुर, २९ जेठ । अमेरिकी राष्ट्रपति डोनाल्ड ट्रम्प र उत्तर कोरियाका सर्वोच्च नेता किम जोङ उनबीचको बहुप्रतीक्षित शिखर भेटवार्ता भएको छ । सिंगापुरको सेन्तोसा आइल्याण्डस्थित होटल क्याम्पेलामा मंगलबार बिहान उनीहरुबीच बहुप्रतीक्षित भेटवार्ता भएको हो । आ–आफ्नो देशका राष्ट्रिय झण्डासामु देखिएका उनीहरूले एकअर्काको पिठ्यूँमा धाप मारेर औपचारिक भेटवार्ता गरेका थिए । त्यसपछि दुई नेताबीचको एकान्त भएको ‘वान टु वान’ वार्तामा दोभासेलाई मात्र प्रवेशको अनुमति दिएको थियो । ऐतिहासिक वार्तापछि दुवै नेताले पहिलो वार्ता फलदायी र राम्रो भएको प्रतिकृया दिए । राष्ट्रपति ट्रम्पले किमसँगको सम्बन्ध आगामी दिनमा पनि सौहार्दपूर्ण रहने विश्वास व्यक्त गरे । दुई नेताबीचको एक्ला एक्लै वार्ता सकिएपछि दुई पक्षका अधिकारीहरू सहित दिवाभोजमा सहभागी भए । जहाँ वरिष्ठ सल्लाहकार तथा अधिकारीहरू सहभागी भएका थिए ।

याे पनि पढ्नुहाेस् सिंगापुरमा ट्रम्प र किमबीच एेतिहासिक भेटवार्ता ट्रम्प–किमको सुरक्षा दिइरहेका गोर्खालीको पीडाले के देश दुख्दैन ? ट्रम्प–किमले गरे दस्तावेजमा हस्ताक्षर, ट्रम्प चलाख, किम गम्भिर देखिए

वहुप्रतिक्षित ऐतिहासिक महत्वको सो वार्तामा दुवै नेता प्रफुल्लित देखिन्थे । उनीहरूले एक्लाएक्लै वार्ताका लागि होटलको पुस्तकालय जानुअघि दुई नेताले सञ्चारकर्मीहरूलाई संक्षिप्त प्रतिक्रिया दिएका थिए। १. सिंगापुरको पर्यटकीय टापु सेन्टोसास्थित एउटा होटलमा शिखर वार्ताका लागि पुगेका अमेरिकी राष्ट्रपति डोनल्ड ट्रम्प र उत्तर कोरियाली नेता किम जङ-अनले मुस्कुराउँदै हात मिलाए क्रममा ।