.gif)
.png)
मंगोलियाविरुद्ध कुशलले बनाए विश्व कीर्तिमानी शतक
२०८० असोज १० बुधबार २०:४४ बजे
काठमाडौँ । चीनमा जारी १९ औं एसियाली खेलकुदमा बायाँ हाते युवा ब्याटर कुशल मल्लले मंगोलियाविरुद्ध विश्व कीर्तिमानी शतक प्रहार गरेका छन् ।
कुशलले ३४ बलमा शतक प्रहार दुलर्भ विश्व कीर्तिमान बनाएका हुन् । टी–२० का खेलमा सर्वाधिक छिटो शतक क्रिस गेलको नाममा छ । गेलले २०१३ को आईपीएलमा बेंगलोरबाट पुणे वारियर्सविरुद्ध ३० बलमै शतक हानेका थिए । यसअघि टी २० आईमा सर्वाधिक छिटो शतक ३५ बलको थियो ।
भारतीय टोलीका कप्तान रोहित रोहित शर्मा, दक्षिण अफ्रिकाका डेविड मिलर र चेकरिपब्लिकनका सुदेश विक्रमशेखरले समान ३५ बलमा शतक पूरा गरेका थिए । यसअघि कुशलले १९ बलमा अर्धशतक पूरा गर्दै टी २० आई मा सर्वाधिक छिटो अर्धशतक पूरा गर्ने ब्याटर बनेका छन् । योसँगै उनले सन् २०१९ मा ज्ञानेन्द्र मल्लले २० बलमा बनाएको अर्धशतकको कीर्तिमान तोडेका छन् ।
