.gif)
 (1).png){kind=logo}
.png)
हिमाली लामाको ‘हिमाली सुस्केरा’ गीति एल्बम सार्वजनिक (भिडियोसहित)
काठमाडौं । गायिका हिमाली लामाको ‘हिमाली सुस्केरा’ गीति एल्बम सोमबार एक कार्यक्रमबीच सार्वजनिक गरिएको छ । लामाले पाँच वटा गीत सामाबेश एल्बम हिमाली लामा अफिसियल युट्युवबाट सार्वजनिक गरेकी हुन् ।
गायिका हिमालीले आफ्नी आमा कुसुम लामाको हातबाट गीतको भिडियो सार्वजनिक गरेकी हुन् । गीति भिडियो सार्वजनिक कार्यक्रममा पूर्व कुलपति डा. जगमान गुरुङले नेपाली भाषा, साहित्य र पहिचान संरक्षणका लागि गीत–संगीत क्षेत्रको अतुलनीय योगदान रहेको बताउँदै गायिका लामाको कर्म र साधनाको प्रशंसा गरे ।
कार्यक्रममा टोखा नगरपालिका मेयर प्रकाश अधिकारीले गायिका हिमालीले गीत–संगीतको माध्यमबाट नेपाललाई देश–विदेशमा चिनाउने काम गरेको बताए । गायिका लामाले गीति एल्बम बिमोचनको आजको दिन आफ्नालाई जीवनकै अमूल्य क्षण भएको बताउँदै आफ्नो धेरै लामो साधना, संघष र सपना पूरा भएको बताइन् । उनले धेरै संघर्षपछि यो गीति एल्बम सार्वजनिक गर्ने अवस्थामा आइपुगेको जानकारी दिंदै अबका दिनहरुमा पनि नेपाली गीत–संगीतको क्षेत्रमा लागिरहने बताइन् ।
काठमाडौं– ५ का प्रदेशसभा सदस्य श्यामबहादुर खड्काले गायिका लामाले गाएका सबै गीत कर्णप्रिय, मर्मस्पर्शी रहेको बताउँदै सांगीतिक क्षेत्रका लामाको नाम चम्किलो रहेको बताए । गायिका लामाको गीति एल्बममा पाँच गीत समाबेश छन् । यो एल्बममा गीत सूर्य दोङ तामाङले लेखेका हुन् भने आरबी लामा स्याङतानले संगीत भरेका छ ।
https://www.youtube.com/watch?v=OwZSdCSy4EQ
