.gif)
 (1).png){kind=logo}
.png)
संसदीय समितिले प्रधानमन्त्रीलाई बोलायो
२०७९ असार ३ शुक्रबार ०७:१३ बजे
काठमाडौँ । प्रतिनिधिसभाको अन्तर्राष्ट्रिय सम्बन्ध समितिले अमेरिकाको भ्रमणबारे बुझ्न प्रधानमन्त्री शेरबहादुर देउवालाई असार ५ गते बोलाएको छ ।
समिति सभापति पवित्रादेवी निरौलाले अमेरिकाको सैन्य रणनीति स्टेट पार्टनरसिप प्रोग्राम (एसपीपी ) र अमेरिकाको औपचारिक निमन्त्रणामा प्रधानमन्त्री वासिङटन डीसी जाने विषयमा जानकारी लिन प्रधानमन्त्रीलाई समितिमा बोलाएको बताइन् ।
उनले प्रधानमन्त्रीको भ्रमणको तालिका र भ्रमणमा गरिने एजेण्डाहरूबारे जानकारी गराउन परराष्ट्रमन्त्री डा. नारायण खड्कासँग माग समेत गरेकी थिइन् । जवाफमा मन्त्री खड्काले प्रधानमन्त्रीको अमेरिका भ्रमण प्रारम्भिक चरणमा रहेको र मिति र एजेण्डाबारे छलफल हुन बाँकी रहेको स्पष्ट पारेका थिए ।
