.gif)
 (1).png){kind=logo}
.png)
मतदान अधिकृत कुटिएपछि सप्तरीको डाक्नेश्वरीमा मतदान स्थगित
सप्तरी । सप्तरीको डाक्नेश्वरी नगरपालिका-२ मा मतदान स्थगित भएको छ । मतदान अधिकृतमाथि हातपात र पतपेटिका तोडफोड भएपछि मतदान स्थगित भएको हो ।
नगरपालिका निर्वाचन अधिकृत शम्भुनाथ मगरले मतदान अधिकृतमाथि हातपात भएको जानकारी दिए । ‘वडा नं २ मा मतदान स्थगित भएको छ । सर्वदलीय बैठकपछि आइतबार गर्ने सहमति भएको छ,’ नगरपालिकाका निर्वाचन अधिकृत मगरले भने, ‘सर्वदलीय बैठकको सहमतिपछि पनि निर्वाचन आयोगले तोकेको मितिमा निर्वाचन हुन्छ ।’ स्थगित भएको निर्वाचन आगामी जेठ १ गते हुने भएको छ ।
डाक्नेश्वरी नगरपालिका-२ स्थित हरिरबा जनता मावि मतदानस्थलमा केहि व्यक्तिको समूहले मतपेटिकाहरु तोडफोड गर्दै मतदान अधिकृतलाई कुटपिट गरेपछि निर्वाचन स्थगित भएको हो । निर्वाचनलाई स्थगित गर्दै जेठ १ गते गर्ने निर्णय भएको निर्वाचन अधिकृत शम्भुनाथ मगरले जानकारी दिए । कुटपिटबाट मतदान अधिकृत विपिन यादव घाइते भएका छन् ।
उनलाई उपचारका लागि सदरमुकाम राजविराज पठाइएको छ । २ हजारभन्दा बढी मत खसिसकेको अवस्थामा केहि व्यक्तिले एक्कासी तोडफोड र कर्मचारीमाथि कुटपिट शुरु गरेका थिए । ती व्यक्तिहरुले मतदानस्थलका कागजातहरु समेत च्यातेका छन् ।
