.gif)
 (1).png){kind=logo}
.png)
शेयर बजार ६० अंकले बढ्यो, १८ वटाको शेयर मूल्य घट्दा १६८ कम्पनीको बढ्यो
काठमाडौं । हप्ताको पहिलो दिन आज (आइतबार) शेयर बजार परिसूचक नेप्से ६० अङ्कभन्दा धेरैले बढेको छ । नेप्से आज आइतवार ६० दशमलव ४१ अङ्कले बढ्दै दुई हजार पाँच सय ८४ विन्दुमा पुगेको छ ।
आज चार वटा कम्पनीको शेयर यथावत् हुँदा १८ वटाको शेयर मूल्य घटेको छ भने १६८ कम्पनीको बढेको छ । आजको कारोबारमा २४० कम्पनीको ७१ लाख ६० हजार ९ सय ८३ कित्ता सेयर बिक्री भएका छन् । आज कारोबार भएका समूहमध्ये एउटा समूहको मात्रै शेयर घटेको छ ।
आज म्युचल फन्डको शेयर शून्य दशमलव शून्य ६ अङ्कले घट्दा निर्जीवन बीमा समूहको शेयर सबैभन्दा धेरै चार सय ११ अङ्कले बढेको छ । यस्तै उत्पादन समूहको शेयर तीन सय ४८ अङ्कले, जीवन बीमा समूहको शेयर तीन सय ४४, विकास बैंक समूहको शेयर एक सय ४४ अङ्क र माइक्रोफाइनान्स समूहको शेयर एक सय ४० अङ्कले बढेको छ ।
आज दुई सय ४० कम्पनीका ७१ लाख ६० हजार कित्ता शेयर चार अर्ब १२ करोड रुपैयाँमा कारोबार भएको छ । सबैभन्दा धेरै हिमालयन डिस्टिलरीको ४४ करोड रुपैयाँ बराबरको शेयर कारोबार भयो । आज हिमालयन डिस्टिलरी र मध्य भोटेकोशी कम्पनीको शेयर झण्डै १० प्रतिशतले बढेको छ । समग्र बजार बढे पनि गुर्खाज फाइनान्स कम्पनीको शेयर सबैभन्दा धेरै पाँच प्रतिशतभन्दा धेरैले घटेको छ ।
