.gif)
 (1).png){kind=logo}
.png)
बाँदरमुढे घटनामा मारिनेसहित ५४ जना शहीद घोषित
२०७४ माघ १२ शुक्रबार १०:४७ बजे
कास्कीका कृष्णबहादुर गुरुङ, ईश्वर गुरुङ, लेखबहादुर गुरुङ, सुलोत्मसिंह गुरुङ, चन्द्रबहादुर रानाभाट, पशुपति रानाभाट, पूर्णबहादुर भुजेल र हरिप्रसाद गुरुङ शहीद घोषित भएका छन् । त्यसैगरी सिन्धुपाल्चोक कुभिन्डेका कृष्णप्रसाद सापकोटा, भीमटारका वीरबहादुर दनुवार, नेत्रबहादुर दंगाल, देवीजंग पाण्डे, हिक्मतबहादुर भण्डारी, मित्रबहादुर दनुवार र छत्रबहादुर गिरी पनि शहीद घोषित भए । सुनसरीका ब्रह्मदेव उराव, छत्र खतवे र खोटाङका कालुमान गुरुङ पनि शहीदको सूचीमा परेका छन् ।
बैठकपछि सरकारका प्रवक्ता एवम् सूचना तथा सञ्चार मन्त्री मोहनबहादुर बस्नेतले भने–‘२०७२ जेठ २३ बाँदरमुढे घटनामा मृत्यु भएका सबै ३८ जनालाई शहीद घोषणा गरिएको छ ।’ माडीको बाँदरमुढेमा तात्कालीन नेकपा माओवादीले थापेको विद्युतीय धरापमा परी ३८ जनाको ज्यान गएको थियो । माडीको अयोध्यापुरी गाविसको बगईबाट भरतपुरका लागि छुटेको ना १ ख ३२४५ नम्बरको बस २०६२ साल जेठ २३ गते बिहान ८ बजे बाँदरमुढे खोलामा विद्युतीय धरापमा पर्दा ३८ जनाको ज्यान गएको थियो भजे ७२ जना घाइते भएका थिए । यो घटनाले माओवादीलाई निकै आलोचित बनाएको थियो । 
