.gif)
 (1).png){kind=logo}
.png)
इन्डोनेसिया निर्वाचनमा भोट गन्दा-गन्दै २७२ जनाको गयो ज्यान
काठमाठौं, १५ बैसाख । इन्डोनेसियामा गएको अप्रिल १७ मा सम्पन्न भएको आम निर्वाचनको भोट गन्ने क्रममा २७० जनाभन्दा बढीले ज्यान गुमाएका छन् ।
भोट गन्ने काम ओभरटाइम गरेपछि मत गणनामा खटिएका व्यक्तिहरुमा कमजोरीपन र ज्वरो देखा परेको थियो । निर्वाचन आयोगका प्रवक्ता आरिफ प्रियो सुसान्तोका अनुसार मत गणनामा खटिएका १ हजार ८७८ जना विमारी परेका थिए ।
तीमध्ये २७२ बढीको मृत्यु भएको हो । गत अप्रिल १७ मा भएको आम निर्वाचनमा राष्ट्रपति, उपराष्ट्रपनि, प्रतिनिधिसभा र स्थानीय प्रशासनका लागि एकैपटक निर्वाचन भएको थियो ।
८ लाख निर्वाचन क्षेत्रमा १९ करोडले भोट गरेका थिए । मत गन्ने व्यक्तिहरुले दिनरात हातैले मत गनेका थिए । ओभरटाइम कामले विरामी परेकाहरुको मृत्यु भएपछि प्रत्येक परिवारलाई उचित क्षतिपूर्ति दिने घोषणा गरिएको छ । मत गणना अझै जारी छ । आगामी मे २२ तारिखमा निर्वाचित जनप्रतिनिधिको नाम घोषणा गरिने छ । एजेन्सी
