.gif)
 (1).png){kind=logo}
.png)
कोरियन कम्पनीले नेपालमै गाडी बनाउने
२०७५ चैत २ शनिबार ११:३७ बजे
काठमाडौं, २ चैत । अब कोरियन कम्पनीले नेपालमै चारपांग्रे सवारीसाधन बनाउने भएको छ । सरकारले नेपालमै चारपांग्रे सवारीको एसेम्बलिङ प्लान्ट राख्न विदेशी लगानी स्वीकृत गरेपछि कोरियन कम्पनीलाई अब नेपालमै चारपांग्रे सवारी साधन बनाउने बाटो खुलेको हो ।
शुक्रबार बसेको लगानी बोर्डको बैठकले कोरियन कम्पनी मोटरेक्स कम्पनी लिमिटेडले नेपालमा ल्याउन लागेको १० अर्ब ५४ करोडको लगानी स्वीकृत गरेको हो ।
कोरियन कम्पनीले १० अर्ब ५४ करोड लगानी गरेर ‘भेइकल एसेम्बलिङ प्लान्ट’ निर्माण गर्ने प्रस्ताव लगानी बोर्डसमक्ष पेस गरेको थियो ।
शुक्रबार साँझ प्रधानमन्त्री केपी शर्मा ओलीको अध्यक्षतामा बसेको बोर्ड बैठकले कोरियन कम्पनी मोटरेक्स कम्पनी लिमिटेडको लगानी प्रस्ताव स्वीकृत गर्ने निर्णय गरेको हो । राजधानी दैनिकबाट
