.gif)
 (1).png){kind=logo}
.png)
अमेरिकामा हजारौंको रोजगारी संकटमा, कार्यालय गेटमै रोकिए कर्मचारी
१०:०१ बजे
काठमाडौं । अमेरिकामा संघीय स्वास्थ्यकर्मीहरूको जागिर कटौती सुरु भएको छ । मंगलबार कर्मचारीहरूलाई कार्यालयको गेटमै रोकिएको थियो । त्यसपछि यो कटौतीको वास्तविकता बाहिर आएको हो ।
यी कटौतीमा धेरै शीर्ष अधिकारीहरू पनि समावेश छन् । अमेरिकी स्वास्थ्य सचिव (मन्त्री) रोबर्ट एफ. केनेडीले गत हप्ता स्वास्थ्य तथा मानव सेवा विभागबाट १० हजार कर्मचारी हटाउने घोषणा गरेका थिए ।
राष्ट्रपतिको कार्यालयले गत हप्ता खाद्य तथा औषधि प्रशासन (एफडीए) बाट तीन हजार ५०० कर्मचारी कटौती गर्ने योजना सार्वजनिक गरेको थियो । त्यस्तै, रोग नियन्त्रण तथा रोकथाम केन्द्र (सीडीसी) बाट दुई हजार ४०० कर्मचारी र राष्ट्रिय स्वास्थ्य संस्थान (एनआईएच) बाट एक हजार २०० कर्मचारी हटाउने बताइएको छ । एजेन्सी
